Fréttasafn (Síða 3)

Það var frábær mæting á haustfund Mílu sem var haldinn í síðustu viku.  Við fengum þann heiður að kynna Mílu og vegferð fyrirtækisins til framtíðar með 10x vettvanginum fyrir fullum sal af áhugasömu fjarskiptafólki.

Míla mun á næstu mánuðum bjóða viðskiptavinum tífalt hraðari ljósleiðaratengingu. Undir merkjum „10x – Vettvangur til framtíðar“ mun fjarskiptafélögum og viðskiptavinum þeirra standa til boða að uppfæra heimili á ljósleiðara Mílu í 10 gígabita á sekúndu á völdum svæðum innan höfuðborgarsvæðis strax 1. október.

Míla býður fjarskiptafólki til haustfundar í salnum Háteigi á Grand hótel, næstkomandi þriðjudag, 22. ágúst.  

Míla leggur til ljósleiðarastreng til vísindalegra prófana þar sem rannsaka á hvaða áhrif hitinn frá hrauni hefur á mikilvæga innviði. Strengurinn virkar sem hitamælir og nemur hann hitann sem safnast í jarðveginum undir glóandi hrauni.

Farsímasamband bætt í námunda við gosstöðvarnar með farsímasendi á Núpshlíðarhálsi. Verkefnið var unnið í samvinnu við öll fjarskiptafélögin sem reka farsímaþjónustu. Tryggir enn betur öryggi á svæðinu.

Fyrsta áfanga í uppbyggingu á nýju flutningskerfi fjarskipta umhverfis landið er nú lokið. Um er að ræða bylgjulengdarkerfi, sem flytur ljósbylgjur og er flutningsgeta hverrar bylgju um 400 Gbit á sekúndu. 

Fjórða árið í röð er Ísland á toppnum meðal Evrópulanda þegar kemur að hlutfalli heimila með virka tengingu við ljósleiðara, samkvæmt yfirliti samtakanna FTTH Council Europe.

Óvissustigi sem Míla lýsti yfir vegna snjóflóða, óveðurs og snjóflóðahættu á Austurlandi hefur verið aflétt.