Tilkynning um nýja vöru á Aðgangsleið 1
Míla hefur gert drög að nýjum viðauka við samning um bitastraumsaðgang. Um er að ræða verðskrá fyrir ADSL+ og SHDSL+ fyrirtækjatengingar frá notanda að næsta nettengipunkti (DSLAM).
Míla hefur gert drög að nýjum viðauka við samningi um bitastraumsaðgang. Um er að ræða verðskrá fyrir ADSL+ og SHDSL+ fyrirtækjatengingar frá notanda að næsta nettengipunkti (DSLAM) þar sem flutningur á IP neti er ekki innifalinn í vörunni.
Míla hefur sent Póst- og fjarskiptastofnun tilkynningu um þessa nýju vöru og mun stofnunin setja umfjöllun um hana í samráð á markaði á næstu dögum. Míla hefur í hyggju að bjóða þessa þjónustu frá og með 15. júlí næstkomandi en skilyrði fyrir því er háð fengnu samþykki frá PFS.
Nánar um vöruna
ADSL+ er vara sem hentar litlum og meðalstórum fyrirtækjum fyrir ýmiskonar gagnaflutning. Á hverri ADSL+ tengingu geta verið ein eða fleiri þjónustutengingar (VLAN). Þessi leið býður upp á að hafa einnig talsímaþjónustu ( POTS/ISDN) yfir sömu símalínu.
SHDSL+ er vara sem hentar fyrirtækjum af flestum stærðum sem vilja fá samhverfan gagna-flutningshraða (þ.e. niðurhalshraði er jafn upphalshraða). Þessi leið býður ekki upp á að hafa talsímaþjónustu (POTS) þar sem samskiptastaðallinn notar bæði efra og neðra tíðnisviðið.
Verð fyrir ADSL+ miðast við að neðra tíðnisvið heimtaugar sé einnig í leigu en gjald fyrir efra tíðnisvið heimtaugar er innifalið í leiguverði. Sé neðra tíðnisvið heimtaugar ekki í notkun greiðist sérstaklega fyrir það.
Viðsemjandi ber kostnað við nauðsynlegar lagnir innanhúss, s.s. uppsetningu á línudeili sem Míla gerir kröfu um að settur sé upp á öllum ADSL+ tengingum.
Tengingar geta ýmist verið frá símstöðvum eða götuskápum. Sé um að ræða tengingu frá götuskáp er varaafl ekki til staðar.
Þjónusta fyrir ADSL+ er í boði á sömu staðföngum/heimilisföngum og hefðbundnar ADSL tengingar og lúta sömu takmörkunum og þær (sjá viðauka 4). Nálgast má upplýsingar um staðföngin á þjónustuvef Mílu og Míla.is eða hjá þjónustuborði Mílu. Varðandi möguleika á SHDSL+ tengingu þá þarf að nálgast þessar upplýsingar á heimasíðu Mílu eða hjá þjónustuborði Mílu.
Stofnverð hverrar tengingar er 3.166 kr og mánaðarverð er eins og hér segir:
ADSL+ |
||||
---|---|---|---|---|
Hraði til notanda |
2 Mb/s |
4 Mb/s |
8 Mb/s |
14 Mb/s |
Hraði frá notanda |
1 Mb/s |
1,5 Mb/s |
2,5 Mb/s |
2,5 Mb/s |
Einingarverð kr./mán. |
2.416 |
2.868 |
3.440 |
3.550 |
SHDSL+ | ||||||
---|---|---|---|---|---|---|
Hraði til notanda |
2Mb/s |
4Mb/s |
5Mb/s |
10Mb/s |
15Mb/s |
20Mb/s |
Hraði frá notanda |
2Mb/s |
4Mb/s |
5Mb/s | 10Mb/s |
15Mb/s | 20Mb/s |
Einingarverð kr./mánuði |
3.978 | 6.134 | 6.272 | 9.651 | 11.690 | 14.510 |
verð er án virðisaukaskatts.