Míla á óvissustigi vegna veðurs
Míla lýsir yfir óvissustigi vegna veðurs sem spáð er að gangi yfir landið í kvöld, 21. febrúar og á morgun 22. febrúar.
Neyðarstjórn Mílu fundaði í dag vegna óveðurs sem spáð er að gangi yfir landið í kvöld og á morgun. Viðbragðsáætlun hefur verið sett í gang samkvæmt skilgreindri neyðaráætlun fyrirtækisins og er mat neyðarstjórnar að viðbúnaður Mílu sé á óvissustigi.
Starfsmenn Mílu og samstarfsaðilar um land allt verða í viðbragðsstöðu til að fara í aðgerðir eftir því sem þörf er á, strax og veðri slotar.