Saga Mílu
Míla er íslenskt fjarskiptainnviðafyrirtæki sem fjárfestir í lífsgæðum Íslendinga. Míla er lífæð samskipta og er í fararbroddi þegar kemur að fjarskiptainnviðum á Íslandi.
Míla selur lausnamiðaða fjarskiptaþjónustu í heildsölu til fjarskiptafélaga og þannig tryggjum við að íslensk heimili, fyrirtæki og stofnanir séu tengd við umheiminn með styrkum stoðum.
Mikilvægar grunnstoðir
Fyrirtækið Míla hf. var stofnað í apríl 2007. Míla á og rekur víðtækt ljósleiðara-, koparkerfi-, og örbylgjukerfi sem nær til heimila, fyrirtækja og stofnana á landinu. Míla rekur mikilvægar grunnstoðir fjarskiptaþjónustu um allt Ísland.
Míla leggur ríka áherslu á áreiðanleika og öryggi. Míla er í stöðugri tækniþróun í þeim tilgangi að viðhalda tryggum fjarskiptum um allt land. Fyrirtækið ætlar sér að leita bestu lausna hverju sinni og veita faglega þjónustu.
Eigendur Mílu
Míla eru í eigu franska fjárfestingafélagsins Ardian. Ardian var stofnað árið 1996 af Dominique Senequier, upphaflega sem fjárfestingararmur tryggingarfélagsins AXA. Ardian er með skrifstofur í 19 löndum og starfsfólk telur á annað þúsund í 19 löndum. Eignasafn þeirra er um 22.870 milljarðar í íslenskum krónum. Ardian leggur mikla á áherslu á sjálfbærni og jákvæð áhrif á samfélög. Auk Ardian eru fjórtán íslenskir lífeyriðssjóðir eigendur Mílu.
Sjálfbærni og samfélag
Míla er mikilvægur hluti af innviðum samfélagsins. Míla á og rekur víðtækasta fjarskiptakerfi landsins og ber því ríka ábyrgð þegar kemur að fjarskiptum í samfélaginu í heild.
Míla er félagi að Festu, miðstöð um samfélagsábyrgð. Með aðild skuldbindur Míla sig til að axla ábyrgð á áhrifum sínum á fólk og umhverfi og til að haga starfsemi sinni samkvæmt því. Samfélagsleg ábyrgð nær meðal annars til almennra viðskiptahátta, umhverfismála, vinnuverndar og jafnréttismála.