Innanhússlagnir

Ljósleiðari, VDSL2 og vigrun

Míla leggur ljósleiðara á höfuðborgarsvæðinu og víða á landsbyggðinni.  Við uppfærslu á Ljósneti Mílu í 100 Mb/s er sett vigrun á línur. Innanhússlagnir verða að vera réttar í báðum þessum tilvikum.

Innanhússlagnir vegna ljósleiðaraheimtauga

Míla leggur ljósleiðara víða um land og í nýbyggingum eru eingöngu lagðar ljósleiðaraheimtaugar í stað koparheimtauga áður.

Því er algjört skilyrði að hönnuðir og rafverktakar sem sjá um innanhússlagnir fyrir húseigendur leggi Single Mode ljósleiðara inn í hverja íbúð. 

Míla ráðleggur hönnuðum að hafa samband við Mílu til að fá upplýsingar um æskilegar innanhússlagnir í nýjum fjölbýlishúsum á hverjum stað.

Nánari upplýsingar um innanhússlagnir  v. ljósleiðara

Innanhússlagnir vegna VDSL2 og vigrunar

Mikilvægt er að setja upp línudeili (e.Splitter) þegar sett er upp VDSL2 tenging, til að koma í veg fyrir truflandir á tengingum.  Smásíur duga ekki fyrir þessi sambönd til að koma í veg fyrir truflanir. 

Þegar vigrun er sett á línu er milliheyrslum eytt og þá geta komið í ljós vandamál sem áður hurfu í truflunum frá milliheyrslunni.  Því er mikilvægt að línudeilir sé á línunni og að hann sé rétt uppsettur. 

Nánari upplýsingar um innanhússlagnir vegna VDSL2 og vigrunar