Tilkynning vegna aftakaveðurs
Míla er í viðbragðsstöðu vegna aftakaveðurs sem hefur verið spáð um allt land í dag og á morgun.
Míla er í viðbragðsstöðu vegna aftakaveðurs sem spáð er víðast hvar á landinu í dag og á morgun. Rafveitur hafa varað við truflunum á afhendingu rafmagns vegna hættu á ísingu víða um land. Rafmagnsleysi hefur einnig áhrif á götuskápa Mílu sem veldur truflunum á internettengingum til heimila. Míla keyrir á varaafli ef rafmagnsútföll verða, en í stöku tilfellum geta langvarandi útföll á rafmagni haft áhrif á fjarskipti að einhverju leiti. Þá er einnig hætta á að ísing geti valdið truflunum á flutningi fjarskipta í lofti á minni fjarskiptastaði og til fjalla.
