Slit á fjarskiptastrengjum í sumar
Á þessum árstíma er mikið um allskonar jarðframkvæmdir víða um land. Með auknum jarðframkvæmdum fjölgar einnig atvikum hjá Mílu þar sem slit verður á fjarskiptastrengjum fyrirtækisins.
Í sumar hafa komið upp nokkur slit á landshring Mílu, þar sem framkvæmdaaðili tekur strenginn í sundur við framkvæmdir. Auðvelt er að komast hjá slíku með því að fá lagnateikningar hjá Mílu.
Mikilvægt er að framkvæmdaaðilar setji sig í samband við Mílu áður en hafist er handa og óski eftir teikningum af því svæði sem fyrirhugað er að fara í jarðframkvæmdir á. Þannig er hægt að komast hjá því að taka í sundur strengi með tilheyrandi óþægindum fyrir almenning á svæðinu og kostnaði sem leggst á þann sem slítur.
Auðvelt og fljótlegt er að óska eftir teikningum. Það er gert hér á heimasíðu Mílu undir Panta teikningar og hægt er að fá teikningar sendar með tölvupósti, eða sækja til Mílu að Stórhöfða 22-30.
