Blönduós
Míla áætlar að leggja ljósleiðara til rúmlega 60 heimila og fyrirtækja á Blönduósi.
Míla áætlar að leggja ljósleiðara til rúmlega 60 heimila og fyrirtækja á Blönduósi fyrir lok þessa árs. Fyrir eru um 40 heimili og fyrirtæki í bænum með tengingu við ljósleiðara Mílu. Heimilin sem ætlunin er að tengja á þessu ári eru við Húnabraut, Mýrarbraut, Skúlabraut og Sunnubraut og við Flúðabakka 1 og 3. Ef allt gengur samkvæmt áætlun verða tengingarnar tilbúnar til notkunar fyrir lok ársins.