Sæstrengir

Innanfjarðastrengir

Fjarskiptastrengir í sjó 

Fjarskiptastrengir Mílu í sjó liggja víða umhverfis landið yfir firði, víkur og voga. Um er að ræða ljósleiðarastrengi og símastrengi og auk þess liggja strengir í sjó sem ekki eru í notkun. Mikilvægt er að þekkja til þeirra yfirborðsmerkinga sem vísa á legu og staðsetningu strengja. Stefnumerki vísa til landtöku sæstrengja og legu þeirra í sjó.

Tjón á fjarskiptastrengjum 

Tjón sem verður vegna rofs á fjarskiptastreng, hvort sem er á landi eða í sjó getur hlaupið á milljónum króna og er á ábyrgð þess sem veldur því. Komast má hjá óþarfa tjóni og töfum með því að afla sér réttra upplýsinga í tíma.

Varðandi sæstrengi frá landinu er vakin athygli á því að samkvæmt lögum um fjarskipti er óheimilt að veiða með botnveiðafærum nær sæstreng en sem nemur fjórðung úr mílu frá miðju sæstrengs í báðar áttir, eða alls tveimur mílufjórðungum, sem eru 926 metrar. Nánari upplýsingar má finna á heimasíðu Farice. 

Til að fá allar upplýsingar um staðsetningu strengja Mílu (GPS hnit) hringið í síma  585 6000 eða pantið lagnateikningar á heimasíðu Mílu www.mila.is

Kort sem sýna legu sæstrengja innan fjarða

Innanfjarðastrengir eru fjarskiptastrengir sem eru annaðhvort ljósleiðarar eða aðrir sæsímastrengir. Einnig liggja strengir yfir firði, víkur og voga sem ekki eru í notkun.

Á meðfylgjandi kortum eru virkir fjarskiptastrengir merktir með rauðu og grænu, en strengir sem ekki eru í notkun eru merktir með svörtu.

Firðir eru flokkaðir eftir landshlutum:

Suðvesturland

Reykjavík og nágrenni

Vesturland

Hrútafjörður      Kolgrafarfjörður      Hvalfjörður

Vestfirðir

Arnarfjörður       Álftafjörður       Dýrafjörður        Hest- og Skötufjörður       Ísafjörður        Mjóifjörður    Patreksfjörður       Reykjafjörður        Skálmar- Kvígindis- og Kollafjörður        Steingrímsfjörður       Tálknafjörður       Vatns- Kjálka- og Kerlingafjörður       Þorska- og Gilsfjörður        Æðey       Önundarfjörður

Norðurland

Eyjafjörður       Hrísey

Austurland

Seyðisfjörður       Beru- Hamars- og Álftafjörður       Hornafjörður       Mjóifjörður     

Suðurland

Vestmannaeyjar