Um Mílu

Míla er lífæð samskipta.

Fréttir

04.07.2014

Ný þjónusta VDSL+ og samtengingar

Póst- og fjarskiptastofnun hefur veitt Mílu heimild til að hefja sölu á nýjum tegundum bitastraumsþjónustu, þó svo að stofnunin hafi ekki tekið endanlega ákvörðun um skilmála og verð fyrir umræddar tegundir þjónustu. Um er að ræða bitastraumsþjónustu sem felst annars vegar í aðgangi að VDSL+ fyrirtækjaþjónustu í aðgangsleiðum 1 og 3, og hins vegar í aðgangi að lénum og tengiskilum vegna samtengingar fjarskiptafyrirtækja við xDSL og GPON kerfi Mílu vegna aðgangsleiðar 3.

04.07.2014

Mílu heimilt að hefja sölu á Ethernet þjónustu / MPLS-TP

Þann 4. apríl síðastliðinn greindi Míla frá nýrri Ethernet þjónustu í þróun hjá fyrirtækinu. Um er að ræða stofnleigulínuþjónustu sem byggir á MPLS-TP tæknibúnaði Mílu. Nú liggur fyrir ákvörðun Póst og fjarskiptastofnunar nr 15/2014 þar sem stofnunin veitir Mílu heimild til að hefja veitingu þessarar nýju þjónustu, áður en endanleg ákvörðun PFS um skilmála og verð fyrir þjónustuna liggur fyrir.

26.06.2014

Nýsköpun í rótgrónu fyrirtækjaumhverfi

Meðfylgjandi grein eftir Signý Jónu Hreinsdóttur birtist í Viðskiptablaðinu í dag 26. júní. Greinin fjallar um framfarir og atvinnuþróun sem byggja á nýsköpun og hugmyndafræði hennar. Forsenda framfara er samvinna ólíkra aðila í samfélaginu, sem og í alþjóðasamfélaginu, útbreiðsla þekkingar og rannsóknir.

28.05.2014

Fyrirtækjatengingar á GPON kerfi Mílu

Míla hefur ákveðið að hefja sölu á þjónustu sem kallast GPON+ skv. vörulýsingu hér að neðan. Tekið verður við pöntunum frá og með föstudeginum 30. maí nk. Unnið er að því að mögulegt verði að panta GPON+ með eðlilegum hætti á Þjónustuvef Mílu. Þar til það verður tilbúið, skulu viðskiptavinir senda inn pöntun um hefðbundna GPON tengingu, en taka fram í athugasemdum að um sé að ræða GPON+ tengingu. Upplýsingar um VLAN og IP tölur þurfa að fylgja með.

04.04.2014

Ný Ethernet þjónusta

Hjá Mílu er ný Ethernet þjónusta í þróun sem byggir á MPLS-TP tæknibúnaði Mílu. Búnaður er nú þegar uppsettur á nokkrum stöðum í sambandakerfi Mílu. Búnaðurinn gefur Mílu möguleika á að skilgreina nýja tegund af pakkaskiptri gagnaflutningsþjónustu sem byggir á Ethernet-tækni og hefur það umfram þá tækni sem Míla hefur hingað til notað (SDH) að hægt er að skilgreina meðal annars mismunandi forgangsröðun pakka, frátekna eða samnýtta bandvídd, forgangsröðun og VLAN-aðgreiningu.




Stuðningsleiðarkerfi