Fréttir

23.08.2012

Útvistun loftnetaverkefna

Frá og með 1. september næstkomandi mun Míla útvista uppsetningu á loftnetum og annarri vinnu í möstrum og staurum til Rafholts ehf. Rafholt mun ráða tvo af starfsmönnum loftnetateymis Mílu til sín, sem tryggir að nauðsynleg sérfræðiþekking verður áfram til staðar. Eftir útvistun verður hlutverk Mílu áfram úthlutun á aðstöðu í möstrum, ásamt eftirliti með þeim.

28.06.2012

LJósleiðari í togkapli er mikil bylting.

Á dögunum leitaði Nýsköpunarmiðstöð til Mílu um ráðgjöf varðandi efnisval og framkvæmd vegna tilraunaveiðarfæra sem stofnunin er að vinna að þróun að, í samstarfi við Hafrannsóknarstofnun. Um er að ræða veiðarfæri þar sem ljós er notað til smölunar á fiski. þetta veiðarfæri hefur togstreng með ljósleiðurum og rafmagnsköplum og fyrir vikið er hægt að hafa búnað niðri í veiðarfærinu tl að auka stjórn á því. Starfsmenn Mílu komu að þessari vinnu og framkvæmdu tengingu á ljósleiðarastreng sem notaður verður við rannsóknirnar.

30.05.2012

Hagræðing hjá Skiptum og dótturfélögum

Á síðustu misserum hefur verið unnið að hagræðingu í rekstri Skiptasamstæðunnar sem miðar að því að bregðast við minnkandi rauntekjum á fjarskiptamarkaði samhliða verulegri kostnaðarverðbólgu innanlands. Hagræðingaraðgerðir hafa snert öll fyrirtæki samstæðunnar en stærstu dótturfyrirtækin eru Síminn, Míla og Skjárinn.

25.05.2012

Tölvu og samskiptaráðstefna TERENA

Dagana 21. - 24. maí stóðu TERENA, samtök rannsókna og háskólaneta í Evrópu, fyrir ráðstefnu um strauma og stefnur varðandi notkun nýjustu nettækni, innviði net- og upplýsingakerfa og þjónustu sem styður við rannsókna- og háskólastörf. Ráðstefnan var haldin í Háskólabíó. Míla annaðist gagnatengingar frá Landeyjarsandi í Háskólabíó sem að var ætlað að sýna hágæða myndflutning í gæðum sem ekki hafa sést áður hér á landi. Vinna og tæknibúnaður Mílu stóðst allar væntingar og skilaði óaðfinnanlegu merki til fyrirtækisins Ciena sem var með sýningarbás á ráðstefnunni.

18.05.2012

Samningur um leigu á listaverkum

Míla hefur gert áframhaldandi samstarfssamning um leigu á listaverkum við listamanninn Guðrúnu Öyahals, en listaverk hennar hafa prýtt veggi fyrirtækisins síðustu árin, bæði á Stórhöfðanum áður og nú í nýjum húsakynnum fyrirtækisins á Suðurlandsbraut.