Fréttir

04.10.2007

Ökuritar í bifreiðaflota Mílu

Nýlega voru settir upp ökuritar í bifreiðaflota Mílu og voru þeir formlega teknir í notkun 1. október sl. Meginhlutverk ökuritanna er að gera Mílu kleift að fylgjast með aksturslagi og ferðum bifreiða sinna. Ökuritarnir gegna einnig mikilvægu hlutverki sem öryggis- og þjónustutæki.

28.09.2007

Umfangsmiklar framkvæmdir Mílu á Vestfjörðum.

Umfangsmiklar aðgerðir fóru fram á vegum Mílu ehf á Vestfjörðum í vikunni. Um fjórar stórar aðgerðir var að ræða og voru alls 18 starfsmenn í einu að störfum frá fyrirtækinu í þessum aðgerðum. Fyrst er að nefna viðgerð á bilun á ljósleiðara á sunnanverðum Vestfjörðum, færslu á streng sem lá undir skemmdum vegna ágangs sjávar, færslu á öðrum streng vegna vinnu við malarnámu rétt við Patrekstfjörð og að síðustu lokafrágangur og framkvæmd vegna aukningar á flutningsgetu til Vestfjarða.

17.09.2007

Starfssemi Mílu á höfuðborgarsvæðinu sameinuð á einn stað

Í byrjun september sameinaðist starfssemi Mílu á höfuðborgarsvæðinu öll á einn stað, þegar starfsmenn sem voru til húsa í starfsstöðvum Símans við Suðurlandsbraut fluttu í nýtt og glæsilegt starfsumhverfi að Stórhöfða. Fullyrða má að sannkölluð gleði ríki meðal starfsmanna Mílu á höfuðborgarsvæðinu yfir því að vera allir saman á einum stað. Þjónusta og samskipti við viðskiptavini kemur til með að eflast til muna og verða skilvirkari fyrir vikið.

04.09.2007

Icecell og Míla semja um aðgengi að hýsingu

Fjarskiptafyrirtækið Icecell hefur gert samning við Mílu ehf. um hýsingu á búnaði. Skrifað var undir samning þess efnis á milli fyrirtækjanna í dag. Icecell fékk nýlega úthlutaðri tíðniheimild vegna rekstur á GSM kerfi frá Póst og fjarskiptastofnun og fyrirhugar að að hefja rekstur þjónustu sinnar um næstu áramót. Icecell er að hefja vinnu við uppsetningu á sendum og öðrum búnaði og mun Míla útvega þeim hýsingu í sínum símstöðvum.

04.09.2007

Þátttaka á heimsmeistaramóti í fimleikum árið 2007

Fjórir ungir og efnilegir keppendur taka þátt í heimsmeistaramótinu í fimleikum sem haldið er í Stuttgart 26 ágúst – 10 september. Míla ehf. er aðalstyrktaraðili landssliðssins í fimleikum árið 2007 og var skrifað undir samstarfssamning þess efnis 23. ágúst sl.