Fréttir

13.05.2013

Utanríkisráðuneytið og Míla undirrita samning um eignarhald og rekstur ljósleiðara

Míla og utanríkisráðuneytið hafa undirritað samning um eignarhald og rekstur á ljósleiðara sem liggur umhverfis landið, en ljósleiðarinn var lagður á vegum Atlantshafsbandalagsins. Í samningnum er skýrt kveðið á um eignarhald á þeim átta þráðum sem eru í ljósleiðaranum og réttindi og skyldur sem þeim fylgja. Míla fer með eignarhald á fimm þessara þráða en utanríkisráðuneytið hefur umsjá með þremur fyrir hönd Atlantshafsbandalagsins.

11.04.2013

Míla óskar eftir öflugum tæknimönnum

Vilt þú ganga til liðs við öflugt teymi tæknimanna hjá Mílu? Míla auglýsir störf tæknimanna hjá Mílu til umsóknar. Störfin felast í stjórn og eftirliti á þeim fjarskiptakerfum sem Míla á og rekur fyrir viðskiptavini. Um er að ræða vaktarvinnu hjá Kerfisrekstri Mílu þar sem unnið er á þrískiptum vöktum allt árið um kring. Umsóknarfrestur er til og með 14. apríl næstkomandi. Nánari upplýsingar í frétt.

04.04.2013

Streymt beint frá Kjarvalsstöðum

Hægt verður að fylgjast með sýningunni Flæði á Kjarvalsstöðum í beinni útsendingu á vefnum http://www.livefromiceland.is/ með vefmyndavél Mílu frá 25. mars - 20. apríl . Míla hefur streymt frá vinsælum ferðamannastöðum á vef sínum en þetta er í fyrsta skipti sem fyrirtækið streymir beint frá málverkasýningu. Útsendingin er í tilefni af 40 ára afmæli Kjarvalsstaða en vegleg afmælisdagskrá verður á safninu sunnudaginn 24. mars

26.03.2013

Sátt Samkeppniseftirlitsins

Skipti hf. og Samkeppniseftirlitið hafa gert með sér sátt um að ljúka í einu lagi málum sem verið hafa til athugunar Samkeppniseftirlitsins og varða Símann. Sáttin hefur það að markmiði að tryggja jafnan aðgang að grunnkerfum fjarskipta á Íslandi. Elstu málin eiga rætur að rekja til ákvarðana sem teknar voru þegar Síminn var enn ríkisfyrirtæki. Skipti hf. eiga meðal annars Símann og Mílu

26.03.2013

Afmælissýning Listasafns Reykjavíkur í beinni útsendingu

Hægt verður að fylgjast með sýningunni Flæði á Kjarvalsstöðum í beinni útsendingu á vefnum http://www.livefromiceland.is/ með vefmyndavél Mílu frá 25. mars - 20. apríl . Míla hefur streymt frá vinsælum ferðamannastöðum á vef sínum en þetta er í fyrsta skipti sem fyrirtækið streymir beint frá málverkasýningu. Útsendingin er í tilefni af 40 ára afmæli Kjarvalsstaða en vegleg afmælisdagskrá verður á safninu sunnudaginn 24. mars.