Landstrengir
Fjarskiptastrengir eru viðkvæmir og mega undir engum kringumstæðum verða fyrir hnjaski. Gæta ber fyllstu varúðar á þeim svæðum þar sem strengir kunna að vera, bæði til sjós og lands.
Fjarskiptastrengir á landi tengja byggðakjarna saman og eru að jafnaði grafnir í jörðu. Helsta auðkenni ljósleiðara í jörðu eru svonefndir merkjahælar - gulur staur merktur: VARÚÐ LJÓSLEIÐARI eða VARÚÐ JARÐSTRENGIR.
Tjón vegna skorts á upplýsingum
Tjón sem verður vegna rofins ljósleiðara, hvort sem er á landi eða í sjó getur numið milljónum króna og er á ábyrgð þess sem veldur rofi. Komast má hjá óþarfa tjóni og töfum með því að afla réttra upplýsinga í tíma. Mikilvægt er að kannast við þær yfirborðsmerkingar sem vísa á legu og staðsetningu strengja.
Öflun upplýsinga um strengi
Ef framkvæmdir eru á svæði þar sem strengir kunna að liggja í jörðu, ber hiklaust að leita eftir upplýsingum hjá Mílu um nánari legu þeirra svo komast megi hjá óþarfa tjóni og töf á framkvæmdum. Hér er hægt að panta lagnateikningar og fá þær sendar í tölvupósti, eða sækja þær til Mílu að Suðurlandsbraut 30. Einnig er hægt að hringja í síma 585 6221 á skrifstofutíma til að fá upplýsingar um staðsetningu stengja.
